Սյունիքի մարզային ու համայնքային գրադարանների 25 գրադարանավարներ նախորդ շաբաթ մասնակցեցին Խնկո Ապոր անվան ազգային մանկական գրադարանի կազմակերպած վերապատրաստման դասընթացներին:

Գրադարանային գործի վերաբերյալ նոր հմտություններ, աշխատանքի արդյունավետ կազմակերպում, ժամանակակից տեխնոլոգիաների կիրառում: Այս և այլ գիտելիքների ու փորձի փոխանակումը հնարավոր դարձավ ՀՀ կրթության, գիտության, մշակույթի և սպորտի նախարարության աջակցությամբ իրականացվող «Գրադարանավարների վերապատրաստման դասընթացներ» ծրագրի շրջանակում:

Դասընթացներն ընթացան տեսական և գործնական երկօրյա հանդիպումների ձևաչափով, որոնց ավարտին գրադարանավարներին շնորհվեցին վկայականներ: