Ապրիլի 20-22-ը Խնկո Ապոր անվան ազգային մանկական գրադարանի գիտքարտուղար, ՀԳԱ քարտուղար Մ. Հովսեփյանը այցելեց Գեղարքունիքի մարզի գրադարաններ՝ մեթոդական օգնության և Ազգային գրադարանային շաբաթի միջոցառումներին մասնակցելու նպատակով: Թե՛ մարզային, թե՛ քաղաքային գրադարանները Շաբաթի շրջանակում անցկացնում էին հետաքրքիր ու բովանդակալից միջոցառումներ:
Գավառի Քալանթարի անվան պետական դրամատիկական թատրոնի շենքում «Սիրված Գուսան. Շերամ-165» խորագրով մարզային գրադարանի գրական-երաժշտական երեկույթը բավականություն պատճառեց ամենատարբեր տարիքի հանդիսատեսներին: Հետաքրքրական և ուսուցողական էր հանդիպումը գրադարանի ամենակրտսեր ընթերցող, ստեղծագործող հրաշամանուկ Սամվել Խաչատրյանի հետ:
Իսկ Եղիշե Չարենցի ծննդյան 125-ամյակին նվիրված Գավառի քաղաքային գրադարանի միջոցառումը լի էր գեղեցիկ դրվագներով:
Գրադարանների մյուս միջոցառումները ևս հարստացրեցին Ազգային գրադարանային շաբաթի ծրագիրը:
