Հուլիսի 7-ին Խնկո Ապոր անվան ազգային մանկական գրադարանում ավարտվեց IBBY Հայաստան ՀԿ-ի և ՀԳԱ-ի համագործակցության արդյունքում կյանքի կոչված «Մանկապատանեկան ընթերցանության կազմակերպումը գրադարաններում» դասընթացը: Յուրաքանչյուր օրվա առանձին թեմատիկ ծրագրին մասնակցեցին և IBBY Հայաստան ՀԿ-ի ՀԳԱ-ի նախագահի կողմից վկայականներ ստացան հանրային գրադարանների մանկապատանեկան տարիքի ընթերցողներին սպասարկող 20 գրադարանավար՝ ՀՀ 10-ը մարզերից և մայրաքաղաքից: Բովանդակային և կազմակերպչական առումով տարողունակ և առանձնահատուկ դասի ընթացքում Լիոնի քաղաքային գրադարանի մանկապատանեկան գրականության բաժնի վարիչ Կանմաչերը ներկայացրեց անիմացիայից մինչև մշակութային ծրագրեր, ցուցադրություններ և համակարգված միջոցառումներ իրականացնելու եվրոպական փորձը: Դասը երեխաներին գրքերի հետ բարեկամացնելու, գիրքը հաճելի զբաղմունքի առարկա դարձնելու տարաձև մեթոդների, գրադարան-փոքրիկ և պատանի հասարակություն փոխկապերի, երեխաների ստեղծագործական աշխատանքները համացանցի միջոցով հանրայնացնելու, պատկերային շտեմարաններից օգտվելու, ապագա մասնագիտական կողմնորոշման համար երեխաներին նախապատրաստելու, փոքրիկների հետ նշանների և ժեստերի լեզվով խոսելու, երեխաների վստահությունը շահելու և ընթերցանության կազմակերպման այլ խնդիրների մասին էր: Դասընթացավարի և մասնակիցների կողմից փոխադարձ գնահատվեց դասի արդյունավետ և բովանդակային իրականացումը:
Ֆրանսուհին մասնակիցներին ներկայացրեց մի շարք պատանեկան գրադարանային ծրագրեր, ընդ որում, նախապայմանավորվածության համաձայն, հայ փոքրիկները կմասնակցեն միջազգային լուսանկարչական մրցույթին:
Նշենք, որ դասընթացի նպատակն էր գրադարանավարներին փոխանցել մանկապատանեկան ընթերցանության կազմակերպման և այդ տարիքային խմբի գրադարանային սպասարկման նոր հմտություններ և մեթոդներ: