Ամառային դպրոցի նպատակն է ոլորտի մասնագետների փորձի փոխանակումը, մասնագիտական հմտությունների և կարողությունների զարգացումը:

Ծրագիրը ներառում է թեմատիկ 4 բաժին.

գրադարանները որպես ընթերցանության խթանողներ. աշխատանք երեխաների և ընտանիքների հետ

գրադարանը որպես պատմության ուսումնասիրության հիմնասյուն

գրադարանը որպես ժողովրդավարության կամուրջ. աշխատանք երիտասարդ սերնդի հետ

գրադարանները որպես հանրային հարթակ. համագործակցություն և հանրային ներգրավվածություն։

Հիշեցնենք, որ «Գրադարանը որպես համայնքի մշակութային հարթակ» խորագրով ամառային դպրոցին մասնակցում էին Հայաստանի 8 գրադարանների և մշակութային հաստատությունների (Խնկո Ապոր անվան ազգային մանկական, Հայաստանի ազգային, Շիրակի մարզային, Ավ. Իսահակյանի անվան կենտրոնական, ՀՀ ԳԱԱ հիմնարար գրադարաններ, Մաշտոցյան Մատենադարան, Մայր Աթոռ Սուրբ Էջմիածնի «Վաչե և Թամար Մանուկյան» Մատենադարան և Հայոց ցեղասպանության թանգարան-ինստիտուտ)` 10 գրադարանավարներ և մշակութային ոլորտի ներկայացուցիչներ։